Granit Xhaka dhe Bayer Leverkuseni kanë vazhduar me formën e jashtëzakonshme në fillim të sezonit në Bundesligën gjermane.
Ekipi i Xabi Alonsos ka shënuar fitoren e tretë nga po aq ndeshje, duke “shkelur” Darmstadtin 5:1.
Victor Boniface realizoi dy gola, ndërsa nga një e shtuan Exequiel Palacios, Jonas Hofmann e Adam Hlozek. Te mysafirët golin e vetëm e realizoi Oscar Vilhelmsson.
Xhaka u paraqit për 80 minuta. Ai u ndëshkua me karton të verdhë në minutën e 31-të.
Në tri ndeshjet e para, Leverkuseni ka realizuar 11 gola dhe ka pranuar tri.