Me vetëm dy ditë të mbetura para nisjes së sezonit në La Liga, Barcelona po përballet sërish me ndeshjen e parë pa të gjithë skuadrën në dispozicion për shkak të financave.
Aktualisht Blaugranët kanë vetëm 12 lojtarë të regjistruar për ndeshjen kundër Getafes. Më herët gjatë javës ata shitën Franck Kessie te Al Ahli, një nga tre hapat që Barcelona shpreson t’i lejojë ata të regjistrojnë të gjithë lojtarët e tyre këtë verë.
Një nga këto hapa ishte rishitja e 16% të Barca Studios tek firma gjermane e investimeve Libero, në këmbim të 60 milionë eurove.
Gazeta Mundo Deportivo shkruan se marrëveshja do të përfundojë të premten, por me një ndryshim të rëndësishëm në strukturë. Libero do të shpenzojë 20 milionë euro fillimisht në 5% të Barca Studios dhe më pas do të sigurojë 40 milionë euro për 11% të mbetura para fundit të gushtit.
