Skuadra e Struga Trim Lum, ka shkuar në përgatitje në Durrës të Shqipërisë, i cili do të zhvillojë fazën kryesore të përgatitjeve dimërore. Trajneri Srgjan Zaharievski dhe futbollistët do të punojnë më shumë në ngritjen e formës fizike, ndërsa janë planifikuar edhe katër ndeshje të tjera miqësore.
Testi i parë do të jetë kundër skuadrës së Ferizajit, ndërsa dy ditë më vonë do të pasojë sfida ndaj Botev Vraca, ndërsa janë planifikuar edhe sfidat ndaj KF “Ramiz Sadiku” dhe KF “Besa”.
Skuadra e Strugës rikthehet në Maqedoni më 31 janar dhe do të zhvillojë fazën e fundit të përgatitjeve dimërore në prag të pjesës së dytë të sezonit.
