Ministri i Punëve të Jashtme, Bujar Osmani nesër do të jetë nikoqir i Ministrit të Punëve të Jashtme dhe Tregtisë së Hungarisë, Peteer Sijarto, i cili do të qëndrojë për vizitë në Maqedoninë e Veriut. Siç bëjnë të ditur nga Ministria e Punëve të Jashtme, në fokusin e bisedimeve do të jenë raportet bilaterale dhe ekonomiko-tregtare, si dhe ngjarjet aktuale politike me theks në konkluzionet e fundit të Këshillit për Punë të Përgjithshme të BE-së.
