Ministria e Shëndetësisë së Kosovës njoftoi se më 29 dhjetor janë regjistruar 33 raste të reja me koronavirus pas testimit të 3,058 mostrave. Është shënuar kështu një rritje e infektimeve pasi një ditë më parë u njoftuan 13 raste pozitive.
Fatmirësisht në 24 orët e fundit nuk është shënuar asnjë viktimë. Sipas njoftimit, 12 pacientë janë shëruar, ndërkaq raste aktive janë 371.
Në 24 orët paraprake, autoritetet shëndetësore kanë administruar 3,047 doza të vaksinës kundër koronavirusit. Deri më tani, në Kosovë, të vaksinuar me dy doza të vaksinës janë 781,351 persona.
