Ministria e Shëndetësisë njofton se në 24 orët e kaluara janë kryer 659 teste, ndërsa janë regjistruar 68 raste të reja me COVID-19.
Nga MSH njoftojnë se janë konfirmuar 40 pacientë të shëruar nga coronavirusi.
Gjatë 24 orëve të fundit është regjistruar një person i vdekur nga Shkupi (83 vjeç), i cili ka ndërruar jetë në kushte spitalore. Sipas regjistrit të personave të vdekur të diagnostikuar me COVID-19 nga “Termin Im”, janë regjistruar dy persona të vdekur nga Manastiri (81 vjeç) dhe Prilepi (71 vjeç), të cilët kanë ndërruar jetë në kushte spitalore. Të vdekurit janë raportuar në periudhën 18 – 28.09.2022.
Numri i përgjithshëm i personave të diagnostikuar me COVID-19 në vendin tonë që nga fillimi i epidemisë është 344.031, numri i të shëruarve është 334.202, numri i të vdekurve është 9.564, ndërsa numri i rasteve aktive është 265.
