KSHZ-ja i ka publikuar rezultatet e para jozyrtare, sipas të cilave në rrethin e dytë, VMRO-ja ka fituar në 20 komuna, LSDM në shtatë, BDI gjithashtu shtatë, Aleanca për Shqiptarët/Alternativa dhe Lëvizja Besa kanë fituar nga dy komuna, ndërsa nga një komunë kanë fituar PDSH, GROM dhe koalicioni PLD/RDM.
Në rrethin e dytë ka fituar edhe kandidatja e pavarur për Qytetin e Shkupit, Danella Arsovska, e cila është mbështetur nga VMRO-DPMNE-ja. Ndërsa kandidat i pavarur ka fituar edhe në Kumanovë, gjegjësisht Maksim Dimitrievski.
Rezultatet përfundimtare, siç kanë paralajmëruar nga KSHZ, do të publikohen gjatë ditës së sotme.
