Pas pushimeve, ne parashikuam që shifrat do të rriteshin jashtëzakonisht. Për ditën e djeshme 45% e testeve janë pozitive, për këtë rajon pritet që këto 2 javë shifrat të jenë jashtëzakonisht të larta, thotë doktor Sasho Ollumçev për “Studio 10”.
“Virusi po qarkullon më së shumti tek të rinjtë, ka rritje të numrit të pacientëve dhe fëmijëve dhe mësuesve. Është rritur numri i ekzaminimeve te mjekët e familjes. Kërkesa për termat e testimit është rritur. Numri i të shtruarve në spital është në rënie, por prisni, nuk e dimë se si do të vazhdojë virusi. Tani do të ketë një rritje të lartë të pacientëve, nëse është Omicron nuk do të ketë presion në sistemin shëndetësor, por nëse kthehet lloji i virusit delta, presion do të rritet.
Ka përqindje shumë të vogël të vaksinuarve, nuk kemi as 20% të të vaksinuarve me dozë përforcuese. Për momentin si mjek do të duhet t’u shpjegojmë përsëri njerëzve që të jenë të durueshëm.
Vaksinat mbrojnë për rreth 3-4 muaj, kështu që ose duhet të rivaksinohemi ose të sëmuremi përsëri. Duhen 2 sekonda për t’u infektuar me llojin Omicron”, thotë Ollumçev.
