Nxënësit e paraleleve shqipe të gjimnazit “Ibrahim Temo”, protestuan para Gjykatës Themelore në Strugë kundër profesorit i cili një ditë më parë me boks hekuri sulmoi një nxënës. Nga Gjykata, nxënësit protestën e vazhduan duke marshuar nëpër Çarshinë e Strugës.
Disa nga thirrjet e nxënësve të Strugës në këtë protestë ishin: “Duam të edukohemi, jo të abuzohemi”, “Roli i profesorit, për të edukuar apo për të abuzuar”, “Si të mbajmë ne lapsat, kur profesori mban armë të ftohta”, etj.
Nga SPB Ohër për Alsat thonë se tashmë është ngritur kallëzim penal kundër profesorit, E.S – 57 vjeç nga Struga, për shkak të dyshimit për kryerjen e veprës penale- dhunë. Ndaj tij është caktuar masa e paraburgimit 8 ditor.
Profesori tashmë është pezulluar me tre muaj për një tjetër ngjarje në të cilën ishte përfshirë.
