Si në kuadër të takimeve “Bashkë për Europë”, po ashtu edhe në takime të përditshme, ministrat nga radhët e Bashkimit Demokratik për Integrim (BDI) për çdo ditë janë në takime të drejtpërdrejta me qytetarë dhe bazën partiake për të raportuar për punën e tyre, si dhe për të dëgjuar sugjerimet dhe propozimet, informon PRESSonline.mk
Të shtunën ministri i Arsimit dhe Shkencës, Jeton Shaqiri ka takuar bazën partiake dhe qytetarë të Komunës së Shuto Orizares, ku ka raportuar për punën e tij të deritanishme, si dhe ka marrë propozime dhe sugjerime nga të pranishmit.
Ndryshe, takimet e zyrtarëve të BDI-së me qytetarë janë të përditshme, ndërsa raporti për punën e tyre jo vetëm që jepet para organeve partiake dhe liderit Ali Ahmeti, por edhe çdo ditë para sovranit.
