18 C
Struga
Friday, April 12, 2024
spot_img

Grubi pret ambasadorin shqiptar Reka: Mbledhje e përbashkët e Qeverive më 14 Nëntor

Zëvendëskryetari i parë i Qeverisë dhe ministër për Sistem Politik dhe Marrëdhënie Ndërmjet Bashkësive, z. Artan Grubi sot ka pritur në takim ambasadorin e Republikës së Shqipërisë, z. Fatos Reka.

Gjatë takimit Grubi dhe Reka kanë diskutuar mbi bashkërenditjen e detajeve të mbledhjes së përbashkët me Qeverinë e Republikës së Shqipërisë, që pritet të mbahet më 14 Nëntor në Shkup, në të cilën mbledhje pritet të nënshkruhen marrëveshje të rëndësishme, si vende tërësisht të përkushtuara në rritjen e bashkëpunimit dhe thellimit të marrëdhënieve në shumë sfera, përfshirë dhe atë ekonomike me çka njëkohësisht rritet edhe konkurrenca e kompanive në vendet e rajonit.

Projektet kapitale mes dy vendeve gjithashtu ishin pjesë e bisedës në takimin me ambasadorin Reka, ndërkohë që Korridori 8 dhe linja hekurudhore si dy projekte të rëndësishme që do lidhin jo vetëm Republikën e Maqedonisë së Veriut dhe Republikën e Shqipërisë por edhe vendet e rajonit, u cilësuan si iniciativa të favorshme në një moment kur vendet janë në rrugë drejt anëtarësimit në Bashkimin Europian.

Realizimi i projektit “One stop shop”, i cili pritet ta shkurtojë kohën e doganimit dhe kontrolleve kufitare, ishte gjithashtu pjesë e bisedës mes Grubit dhe ambasadorit Reka. Koncepti i kontrolleve të përbashkëta kufitare dhe procedurave më të thjeshta në një vendkalim kufitar çon drejt përshpejtimit dhe thjeshtëzimit të qarkullimit në vendkalimet kufitare dhe kjo iniciativë duhet të vendoset në funksion sa më shpejt të jetë e mundur.

Grubi më tej ka shprehur mbështetjen e tij mbi iniciativën e kryeministrit Rama në Asamblenë Parlamentare të Këshillit të Europës për rishikimin e Rezolutës 1782 për të shpallur të pabaza akuzat për trafikim të organeve njerëzore në luftën e Kosovës, si porosi e fuqishme drejtuar Europës mbi vullnetin e palëkundur të partneritetit properëndimor dhe ëndrrën e pashuar të integrimit, por edhe kërkesat plotësisht legjitime dhe të drejta kombëtare për Kosovën dhe luftën e saj të drejtë.

Related Articles

Na Ndiqni

0FansLike
0FollowersFollow
- Advertisement -spot_img

Latest Articles