“BDI është garantues i paqes dhe partner euro-amerikan”, kështu deklaroi mes tjerash në fjalën e tij para banorëve të Çellopekut të Tetovës, zëvendëskryeministri i parë i Qeverisë, Artan Grubi, përcjell PRESSonline.mk
“Tashmë kur jemi në prag të ndryshimeve kushtetuese, dalin sulme nga Mickoski me fotografi, Apasievi poashtu merret me BDI. Pse BDI? Sepse BDI është garantues i paqes dhe partner euro-amerikan! Ishte kryetari Ahmeti që ka mbajtur gjallë rrugën e dialogut dhe zgjidhjeve për të mirën e vendit. NATO u bë me Ali Ahmetin! Sot kryetari nisi këtë fushatë për të kuptuar të gjithë rëndësinë e anëtarësimit të vendit në BE. Jemi në rrugë të drejtë sepse jemi në rrugë të Ali Ahmetit”, deklaroi zëvendëskryeministri i parë Grubi në fjalën e tij në suaza të takimeve “Bashkë për Europë” të liderit të BDI-së-Ali Ahmeti me qytetarë dhe bazën partiake.
