Ish-Kryeministri Fatos Nano, aktualisht 70 vjeç, ndodhet në gjendje jo të mirë shëndetësore.
Ish-Kryeministri prej një jave ndodhet i shtruar në një spital privat në Tiranë. Ai është i shtruar në reanimacion ku vuan nga insuficenca respiratore.
Prej një jave, Nano është në intubim. Por përpjekjet e mjekeve kanë nisur të japin rezultate pozitive. Edhe pse vazhdon të jetë në intubim, atij i janë rregulluar parametrat jetësore. Oksigjeni në gjak është rritur afër parametrave të duhur.
Burime nga spitali thonë se Nano është drejt permirësimit, gjithsesi mbetet me prognozë të rezervuar.
Ish-Kryeministrit i është kthyer një problem kronik respirator që në gjuhën mjekësore, njihet me SPOK, sëmundje pulmonare obstruktive kronike.
Dhe në Maj të 2021 ai u shtrua në një spital pas problemeve me shëndetin.
Fatos Nano ka qenë herë 3 herë Kryeministër i vendit në periudha të ndryshme. Ai u largua nga pushteti në vitin 2005 dhe si rrjedhojë dhe nga drejtimi i partisë.
