Udhëheqësi i emisionit Balkan Talks në Euronews Albania, Franko Egro ia ka thënë troç Taravarit se ai po vendos maqedonasin para shqiptarit në Kërçovë duke i dhënë ndihmë VMRO-së për ta fituar Kërçovën.
“Ju keni bërë aleancë politike me VMRO-në në muajin Gusht. Ju si forcë politike po mbështesni një kandidat maqedonas përballë një kandidati shqiptar për Kërçovën, duke u bërë bashkë me VMRO-në kundrejt Bashkimit Demokratik për Integrim”, është shprehur gazetari Franko.
Gazetari Franko Egro gjithashtu potencoi se mosdalja e Aleancës për Shqiptarët për të bërë thirrje që të mbështetet Fatmir Dehari i bie që përkrahja do të jetë për VMRO-në, megjithëse Taravari nuk dha përgjigje vetëm se duke thënë qytetarët janë të lirë për të votuar kë të dojnë.
