Ministri i Punëve të Jashtme, Bujar Osmani ka përfunduar vizitën e tij në SHBA-, respektivisht pjesëmarrjen në Asamblenë e Përgjithshme të KB-së dhe këtë e ka bërë të ditur përmes rrjetit social facebook.
“Po mbyllim një vizitë të suksesshme në Neë York, në kuadër të Asamblesë së Përgjithshme të Kombeve të Bashkuara. Shumë takime, shumë ngjarje, shumë mundësi për t’i bashkërenduar qëndrimet në këto kohëra sfiduese”, ka shkruar Osmani.
Ministri i Jashtëm në margjinat e UNGA-s ka realizuar mbi 30 takime bilaterale, ku në tavolinë ka theksuar procesin e reformave në Maqedoninë e Veriut, fillimin e negociatave të shumëpritura për vendin, me BE-në, dhe kryesimin që do të merr vendi me OSBE-në në vitin 2023.
