Komisioni Evropian do të zotohet për 1 miliard euro për të mbështetur Ukrainën dhe vendet që pranojnë refugjatë që ikin nga lufta.
Kështu ka bërë të ditur presidentja e këtij komisioni, Ursula von der Leyen, raporton BBC, transmeton Demokracia.com.
“Gjashtëqind milionë…do të shkojnë në Ukrainë, tek autoritetet ukrainase dhe pjesërisht në Kombet e Bashkuara”, tha von der Leyen në një ngjarje për mbledhjen e fondeve për Ukrainën në kryeqytetin e Polonisë, Varshavë.
“Dhe 400 milionë euro do të shkojnë për shtetet e vijës së parë që po bëjnë një punë kaq të jashtëzakonshme dhe po ndihmojnë refugjatët që po vijnë,” tha ajo.
