Kryetari i Bashkimit Demokratik për Integrim , Ali Ahmeti ka pritur sot në takim ambasadorin e Britanisë së Madhe në vend, Matthew Lawson.
Ahmeti dhe Lawson bashkëbiseduan mbi momentumin politik, rëndësinë e stabilitetit politik, aleancën europiane të forcave progresive, unitetin veprues për miratimin pa prolongim të stërgjatur të ndryshimeve kushtetuese dhe fokusimin e plotë të vendit në realizimin e reformave për të përshpejtuar procesin e integrimit në Bashkimin Europian.
Ahmeti shprehu falemnderim ndaj përkrahjes që shteti britanik i ka dhënë gjithmonë proceseve të zhvillimit demokratik dhe ekonomik të vendit, anëtarësimit në NATO dhe integrimit në Bashkimin Europian, si dhe për përkrahjen konstruktive në tejkalimin e kontesteve në frymën e fqinjësisë së mirë dhe avancimit të rrugës europiane.
![](https://almakos.com/wp-content/uploads/2023/01/lineapt.jpg)
Ahmeti njoftoi ambasadorin Lawson mbi takimet informative që po realizon Bashkimi Demokratik për Integrim me qytetarët nën moton “Bashkë për në Europë” për të përcjellur mesazhin e qartë të bashkimit të forcave në misionin e integrimit.
Aleanca europiane e partive progresive është e ardhmja, ka potencuar mes tjerash Ahmeti.
Ambasadori Lawson ka përsëritur përkrahjen britanike për integrimin europian të Maqedonisë së Veriut, si dhe reformat në vend, por edhe interesimin e madh për të rritur investimet britanike në vendin tonë.
![](https://klanmacedonia.mk/wp-content/uploads/2023/01/81C53E46-C16B-4FD1-9799-93BCB1ACBD9A-300x200.jpeg)