Kryetari i Bashkimit Demokratik për Integrim, Ali Ahmeti ka uruar Shaip Kamberi për zgjedhjen e tij deputet.
Ai ka thënë se shqiptarët e Luginës së Preshevës qëndruan bashkë, tejkaluan sërish obstruksionet.
“Me votën e tyre vulosën të drejtën demokratike të përfaqësimit në Kuvendin e Republikës së Serbisë.Urime deputetit Shaip Kamberi dhe Koalicionit të Shqiptarëve të Luginës për fitoren e arritur, shëndet dhe shumë suksese në përgjegjësinë e madhe të avancimit të kauzave demokratike të shqiptarëve në Luginën e Preshevës”, ka shkruar Ahmeti.
