Admirali britanik Sir Tony Radakin, ka deklaruar se Rusia tashmë e ka humbur strategjikisht luftën me Ukrainën.
Sipas tij Vladimir Putin ka humbur 25% të fuqisë tokësore të Rusisë vetëm për përfitime “të vogla”.
Ndërsa Rusia mund të arrijë “suksese taktike” në javët e ardhshme, ai tha se çdo nocion se lufta kishte qenë një sukses ishte “i pakuptimtë”.
Admirali Radakin, i cili është shefi i shtabit të mbrojtjes së Mbretërisë së Bashkuar, tha se Rusisë po i mbarojnë trupat dhe raketat e avancuara dhe nuk do të jetë kurrë në gjendje të pushtojë të gjithë Ukrainën.
Admirali Radakin foli për agjencinë e lajmeve PA teksa vizitoi Skocinë të mërkurën, ku takoi ushtarë në Kështjellën e Edinburgut.
Ai tha: “Ky është një gabim i tmerrshëm i Rusisë. Rusia nuk do të marrë kurrë kontrollin e Ukrainës.
“Rusia tashmë ka humbur strategjikisht. NATO është më e fortë, Finlanda dhe Suedia po kërkojnë të bashkohen.”
Ai tha se Rusia ishte detyruar të hiqte dorë nga objektivat e saj për të marrë nën kontroll shumicën e qyteteve të Ukrainës dhe tani ishte e përfshirë në një betejë taktike ku luftimet janë “të vështira”.
