Të paktën 174 persona janë vrarë dhe 180 janë plagosur pas trazirave që shpërthyen në një stadium futbolli në Indonezi, raporton BBC.
Trazirat shpërthyen pas një loje që skuadra vendase humbi, ku tifozët e pakënaqur hynë në fushë dhe policia hodhi gaz lotsjellës në përpjekje për të kontrolluar situatën.
34 persona vdiqën në stadiumin Kanjuruhan dhe pjesa tjetër u shtruan në spital. 180 persona u plagosën, thanë autoritetet. Mes të vrarëve ishin edhe dy policë.
Një zëdhënës i policisë më vonë njoftoi se 129 njerëz kishin vdekur në një nga fatkeqësitë më vdekjeprurëse në botë në stadiumet sportive. Drejtori i spitalit tha për televizionin lokal se një viktimë ishte pesë vjeç.
