По консултациите со експертите и невладиниот сектор, процесот за менување на Уставот во мај треба да се најде пред пратениците, најавуваат од владејачката СДСМ. Иако за менување на Уставот е потребно двотретинско мнозинство кое во моментов власта го нема, премиерот Ковачевски вели дека уставните измени нема да се протуркаат, туку ќе се гласаат во Парламентот. Лидерска средба во најскоро време не била планирана, но Ковачевски повика на национален консензус при носењето на одлуките.
Опозицискиот лидер Мицковски вели дека нема да прифати да се преговара за нешто за кое не се обврзал пред граѓаните. За него, отворањето на Усатвот не значело вметнување на заедниците во преамбулата, туку сокривање на криминалите на двоецот СДСМ-ДУИ.
Мицковски и денеска повика на брзи предвремени парламентарни избори во мај и без техничка влада, за да запре како што вели неспособното владеење на актиелната влада.
