Луѓето во Украина го одбележуваат Денот на независноста на земјата во услови на строги безбедносни мерки поради страв од обновени руски напади.
На Денот на независноста во Киев обично се одржува голема воена парада низ центарот на градот. Но, јавните настани во главниот град се забранети поради загриженоста дека тие би можеле да станат цел.
Денот на независноста се поклопува со денот кога руската инвазија на земјата го достигнува шестиот месец. Американските власти предупредуваат дека Русија најверојатно ќе ги засили напорите за напад на цивилни цели. Претседателот Зеленски ја предупреди Русија на „моќен одговор“ на напади темпирани на Денот на независноста на земјата. Тензиите се особено високи по експлозиите во окупираниот од Русија Крим и атентатот на руската политичка коментаторка Дарија Дугина.