Полициски службеници од Полициската станица за граничен премин и граничен надзор Табановце на 21.05.2023 во 12.30 часот ги лишиле од слобода Н.К.(65) од Република Грција и Х.Ф.М.(46) од Австрија, соопшти МВР.
Како што информираат оттаму, при преглед во патничко возило „мерцедес“ со австриски национални ознаки, кое го управувал Н.К., а сопатник бил Х.Ф.М., биле пронајдени и одземени марихуана, епрувети со кафеава течност и други предмети.
Лицата биле предадени на полициски службеници од Единицата за недозволена трговија со дрога при СВР Куманово за понатамошна постапка, велат од министерството.
