Од 7-ми до 11-ти септември, во организација на Шаховска школа Струга, во нашиот град ќе се одржи третото издание на Меѓународниот шаховски младински фестивал ,,Езерска кралица 2022.“ Оваа година ќе учествуваат околу шеесет шахисти на возраст од 8 до 18 години, од Македонија, Албанија, Грција, Бугарија и Косово. Деталите ги дознавме од Ѓоко Котески од Младинската шаховска школа Струга. Котески се заблагодарува на сите спонзори и помагатели за овогодинешното издание на овој шаховски фестивал.