Премиерот Ковачевски избегна директно да одговори на новинарско прашање – што мисли за условувањето на партијата Алијанса – дека би поддржале уставни промени само ако притоа 20% се промени со албански јазик.
„Гледам дека скоро сите политички партии имаат позитивен однос кон уставните промени, па дури и оние кои беа исклучително против, сега кажуваат дека врз основа на одредени услови би поддржале уставни промени. Сметам дека треба да се седне на маса, сите политички партии да го кажат својот став и да се дојде до решение коешто ќе биде прифатливо за сите“, рече Ковачевски.
