Во Македонија не постои антибугарска омраза и хистерија, ниту системска дискриминација кон некоја од етничките заедници. Вака гласи идентичениот став на премиерот, Димитар Ковачевски, и на шефот на дипломатија, Бујар Османи, по синоќешната одлука на Бугарија да го повлече на неодредено време својот амбасадор од земјава на консултации во Софија, но и да ги преиспита заедничките проекти со Македонија, се додека во земјава не се подобри третманот кон македонските Бугари.
„ЗА ПОСЛЕДНИТЕ ИНЦИДЕНТИ И ЗА СИТЕ ОСТАНАТИ ИМА ОДГОВОРНИ ЛИЦА, БИДЕЈЌИ ТОА СЕ АКТИ НА ПОЕДИНЦИ СО ИМИЊА И ПРЕЗИМИЊА И НЕ МОЖЕ ЦЕЛА ЕДНА ДРЖАВА И ЦЕЛА ЕДНА НАЦИЈА ДА СЕ ОБВИНИ ЗА ПОСТАПКА НА НЕКОЛКУМИНА ПОЕДИНЦИ“, ИЗЈАВИ КОВАЧЕВСКИ.
Шефот на дипломатијата, пак, дополни дека во Македонија не постои државна политика на дискриминација кон ниту една заедница вклучително и бугарската заедница и со жалење констатираше дека последните активности на официјална Софија, не се во согласност со договорената практика за унапредување на меѓусебните односи.
„ПРЕТСТАВУВААТ ПОТКЛЕКНУВАЊЕ КОН ПРОВОКАЦИИТЕ НА ОНИЕ ШТО САКААТ ДА ГИ НАРУШАТ НАПОРИТЕ НА ДВЕТЕ ВЛАДИ ЗА СТАБИЛЕН И ПОЗИТИВЕН РАЗВОЈ НА ОДНОСИТЕ МЕЃУ ДЕТЕ ЗЕМЈИ“, РЕЧЕ ОСМАНИ.
Повлекувањето на бугарскиот амбасадор од земјава Османи смета дека е неоснован потег, непоткрепен со валидни аргументи и непропорционален, но засега неоткрива дали Македонија ќе одговори реципрочно или на некој друг начин на овој дипломатски потег на Софија.
Од МНР наведуваат дека во периодот што следи внимателно ќе ги следат сите изјави и постапки на официјална Софија, во очекување на смирување на страстите и отстранување на провокациите, со цел повторно враќање на дипломатските активности.
И додека македонски власти разуверуваат дека во земјава нема системска дискриминација на Бугарите, техничкиот шеф на бугарската дипломатија со нови обвинувања на сметка на Македонија.
„КОГА СЕ СЛУЧИЛ НАПАДОТ ВРЗ ПЕНДИКОВ, ПРВИЧНО НАСТАНА ПАНИКА ТАМУ И НА РАЗЛИЧНИ НИВОА ПРИЗНААА ДЕКА СЕ РАБОТИ ЗА КРИВИЧНО ДЕЛО ОД ОМРАЗА. ПОСЛЕ ТОА ПОЧНАА ДА ИЗЛЕГУВААТ СЦЕНАРИЈА ДЕКА ПЕНДИКОВ БИЛ НАРКО ЗАВИСНИК И ДИЛЕР, А НАЈХРАБРИТЕ ТВРДАТ ДЕКА БУГАРСКИТЕ КЛУБОВИ СЕ МЕСТА НА ОРГАНИЗИРАН КРИМИНАЛ И ДЕКА СЕ ФИНАНСИРАНИ ОД ТРГОВИЈА СО ДРОГА.
СИ ПРЕТСТАВУВАТЕ ДО КАДЕ ОТИДОА РАБОТИТЕ. И ПО СОВЕТОТ ЗА БЕЗБЕДНОСТ СЕ ПРИФАТИ ТАКВИОТ ТЕК. И ТОА Е ЕДЕН НАРАТИВ КОЈ НИЕ НЕ МОЖЕМЕ ДА ГО ПРИФАТИМЕ И ПОРАДИ ТОА ЌЕ ГИ ПРЕЗЕМЕМ СИТЕ МЕРКИ“, ИЗЈАВИ ДЕНЕСКА МИЛКОВ.
Милков дури и барањето од македонскиот шеф на државата за прогласување на еден бугарски европратеник и други лица од Бугарија како персони нон-грата во Македонија го нарече обид за минимизирање на ескалирањето на систематските напади врз бугарските клубови и заедница во Македонија.
А токму за можноста бугарскиот европратеникот Ангел Џамбаски и други лица од Бугарија да не ја поминат македонската граница пред и на 4 февруари, на денот на оддавање почит кон македонскиот револуционер Гоце Делчев, свој став денеска даде премиерот Ковачевски. Според него 4 февруари е датум означен од македонските служби како ден од голем безбедносен ризик и оти полицијата ќе постапува по тие насоки, за да обезбеди достоинствено чествување на Делчев.
Денот на објаснувања и дообјаснување на се она што изминатите неколку дена се случуваше по нападот на Христија Пендиков во Охрид, што доведе до целосно заладување на односите Софија – Скопје, го заокружи министер за правда на земјава, Никола Тупанчевски.
„НЕ ТРЕБА ДА СЕ ПРЕЈУДИЦИРА НИКАКОВ ПРАВЕН ЕПИЛОГ ЗАТОШТО ТОА МОЖЕ ДА БИДЕ ШТЕТНО И ЗА САМАТА ПОСТАПКА, НО МОЖЕ ДА НАШТЕТИ И НА МЕЃУСЕБНЕТИ ИНТЕРЕСИ МЕЃУ РЕПУБЛИКА СЕВЕРНА МАКЕДОНИЈА И БУГАРИЈА“, ИЗЈАВИ ТУПАНЧЕВСКИ.
Тупанчевски не апострофираше никого поединечно, но во негова изјава може да се препознае шефот на дипломатијата кој за веќе изјави дека Пендиков е претепан оти се чуствувал како Бугарин.
