Во засилена акциска контрола на територијата на Република Северна Македонија за санкционирање на возила кои се движат со брзина поголема од дозволената, вчера се казнети 242 возачи.
Од нив, информираа денеска од МВР, 21 возило се движело со брзина над 50 километри на час повеќе од дозволеното. Притоа, 105 возила ја пречекориле брзината во населено место, а 137 надвор од населено место.
Засилените акциски контроли продолжуваат и во наредните денови.
