Нејмар веќе некое време не е среќен во Париз и на почетокот на неделата на клупското раководство му порача дека сака да си замине.
Нејмар најверојатно кариерата ќе ја продолжи во Саудиска Арабија бидејќи само Саудијците се подготвени да му платат отштета од околу 100 милиони евра на ПСЖ. Бразилецот се поврзува и со враќање во Барселона, но каталонскиот клуб нема пари да го доведе.
Каталонски Спорт пишува дека постои можност Саудијците да го доведат Нејмар, да потпишат четиригодишен договор со него, а потоа да го позајмат на Барселона на една сезона, со што би се покриле 12 милиони евра од неговата плата.
