Андреј Ботиков, научник кој помогнал во развојот на руската вакцина против Ковид, Спутник V, е убиен во стан во Москва, соопшти Истражниот комитет на Руската Федерација.
„Според истрагата, на 02.03.2023 година во станбена зграда лоцирана на улицата Рогова во Москва, при расправија, 29-годишен маж со појас го задавил 47-годишниот сопственик на станот и побегнал. местото на настанот“, соопштија руските власти
Осомничениот набрзо бил уапсен бидејќи во најкус можен рок била утврдена локацијата на напаѓачот.
„На сослушувањето пред полицијата тој ја признал вината . Обвинетиот и претходно бил гонет за тешки кривични дела“, се вели во соопштението.
Руските медиуми го идентификуваа осомничениот како Алексеј З, поранешен осуденик кој поминал 10 години во затвор.
Локалните медиуми објавија дека инцидентот бил резултат на расправија меѓу научникот и осомничениот.
Ботиков беше еден од 18-те научници кои ја развија вакцината Спутник V во 2020 година.
Весникот „Москва тајмс“ објави дека рускиот претседател Владимир Путин го одликувал овој вирусолог со Орден за заслуги за татковината за неговата работа на вакцината против Ковид во 2021 година.
