Намалувањето на температурите во последните денови значително го зголеми бројот на заболени од сезонскиот вирус, односно грип. И покрај тоа што примиле вакцината против грип, сепак, падот на температурата бил пребрз, велат лекарите и немало време имунолошкиот систем да реагира. Најпогодени се децата, но погодени се и возрасните кои најчесто се жалат на проблеми со дишењето.
“Стана проблем со студот. Одеднаш добивме грип, ишијас”, рече еден пациент.
„Имаме многу, имаме многу колеги кои имаат и мали деца кои се соочуваат со овие вируси, но поминува. Тоа е вирус кој знае повторно да се врати, но и да се опорави, некои се случува да завршат во болница. Потребна е максимална грижа’, додаде друг.
Од здравствениот дом велат дека во последните две недели бројот на заболени е зголемена за околу 40 отсто. За превенција препорачуваат пиење течности и активности на отворено за да се зајакне имунитетот.
„Во последните две недели можеме да кажеме дека има голем пораст на бројот на пациенти кои се жалат на проблеми со дишењето, но и на гастроинтестиналниот тракт. Постарите лица имаат и коморбидитети кои го зголемуваат ризикот полошо да се справат со грипот. Некои пациенти беа вакцинирани, но не беше можно да се стекне вистинскиот имунитет што треба да се постигне. Триесет до четириесет проценти доаѓаат и млади и стари“, изјави Мимоза Жаку, лекар.
И покрај големиот пораст на бројот на заболени од вируси, повеќето се заболени од грип, а мал е бројот на случаи со корона вирус.
