Со стопанските комори се води дискусијата за нов, вонреден данок на екстра добивка, по примерот на европските земји. Оние компаниите што имаат над 10 милиони евра приходи на годишно ниво, при што тоа е 20 отсто повеќе од четиригодишниот просек, дополнително да им се оданочат екстра приходите, вели во интервју на Радио Слободна Европа, министерот за финансии Фатмир Бесими.„Даночната база се предлага да се зголеми на две основи: едниот основ е намалување на сивата економија, за што имаме посебна стратегија за сива економија и вториот аспект е преку намалување на таканаречените даночни трошоци или ревидирање на листата на даночни ослободувања. После расправата има ревидирање на неколку мерки и како вкупно некаде околу 76 милиони евра е сега фискалниот ефект на овој пакет што е во Собрание на гласање“, изјави Фатмир Бесими, Министер за Финансии.
