Поради високиот процент на луѓе вакцинирани против коронавирус, Австралија во понеделник ги отвора границите за странски туристи по речиси две години затворање.
„Чекањето заврши“, рече премиерот Скот Морисон на неделен брифинг на меѓународниот аеродром во Мелбурн.
Сите патници можат да влезат во Австралија од понеделник, а целосно вакцинираните туристи нема да мора да останат во карантин.
Отворањето на Австралија за туристите се оценува како најјасен показател за напуштање на строгиот пристап во борбата против коронавирусот и посветеноста на соживот со вирусот и промовирање на вакцинацијата.
