12.7 C
Struga
Wednesday, September 28, 2022
spot_img

Шаќири на Интеруниверзитетска конференција

Владината поддршка за високообразовните установи постојано ќе се зголемува.

Поддршката што универзитетите ја имаат од Министерството не само што ќе продолжи, туку и ќе се унапредува. Високото образование, науката, се чести теми на владините седници, затоа што нашите заложби за забрзан развој ги темелиме на вложување во човечки ресурси. Оваа го кажа министерот за образование и наука Јетон Шаќири, обраќајќи се на седницата на Инеруниверзитетската конференција во Охрид.

Шаќири втор пат учествува на Интеруниверзитетска конференција со цел одржување лична комуникација и изнаоѓање ефективни решенија за предизвиците, преку инклузивен пристап. За кадровското јакнење на високообразовните установи рече дека е меѓу приоритетите на МОН и дека нови вработувања ќе има таму каде е неопходно.

„Продолжува и поддршка во сферата на науката. Финансиска рамка за поддршка на проектите на јавните научни установи од посебен интерес за државата како и за набавка на лабораториски ресурси, е тригодишна. Веќе се префрлуваат средства по овој основ. Планираните, речиси 250 милиони денари, ќе бидат реализирани. Од вас очекувам да го оправдате вложувањето на државата“, рече министерот за образование и наука Јетон Шаќири.

Интеруниверзитетската конференција е јавно правно тело составено од ректорите на универзитетите, претседателите на студентските парламенти на универзитетите, членови од редот на наставно-научните работници и еден член избран од редовите на директорите на самостојните високообразовни установи.

Министерство за образование и наука

Related Articles

Na Ndiqni

0FansLike
0FollowersFollow
- Advertisement -spot_img

Latest Articles