Осум цивили се убиени среде евакуацијата во Ирпин – област западно од Киев во која беше забележано интензивно гранатирање , рече градоначалникот на Олександр Маркушин во објава за Телеграм.
Маркушин рече дека Русите отвориле оган за време на евакуацијата преку мостот.
„Загина едно семејство“, рече тој, „пред мои очи починаа две мали деца и двајца возрасни“.
Видеото од местото на настанот покажува како цивили се движат низ контролниот пункт пред да се случи експлозија на раскрсница која се чини дека била предизвикана од граната или минофрлач.
„Ирпин е во војна, Ирпин не се предаде“, рече Маркушин. „Дел од Ирпин навистина беше заробен од руските освојувачи, но дел од Ирпин се бори и не се предава.“
Маркушин рече дека уште една евакуација ќе започне утре наутро, објави Си-Ен-Ен.
