Неколку дена по посетата на Скопје, бугарскиот премиер Кирил Петков издал наредба за формирање на четири меѓуресорски работни групи за соработка со Северна Македонија, јавуваат бугарските медиуми.
Копретседавачите на секоја од работните групи ќе треба ротирачки да претседаваат со состаноците на соодветната група според нивната надлежност, во согласност со темите на дневниот ред.
Првата група опфаќа две области – економија, трговија и иновации.
Втората ќе работи во полето на инфраструктура, транспорт и поврзување.
Третата, меѓуресорската работна група е за европската соработка – зелена транзиција и дигитална трансформација и владеење на правото, со која копретседаваат министерот за животна средина и води Борислав Сандов.
Четвртата меѓуресорска група е од областа на културата, науката и образованието и младите.
