Повеќе од три милиони луѓе ја напуштиле Украина од почетокот на руската инвазија на 24 февруари, соопшти Меѓународната организација за миграција (ИОМ).
Организацијата, агенција на Обединетите нации, соопшти дека 157.000 од оние кои ја напуштиле земјата биле странски државјани.
Полска е убедливо најголемиот примател на бегалци од Украина. До неделата, повеќе од 1,7 милиони луѓе пристигнале од Украина во Полска, според Високиот комесаријат за бегалци на Обединетите нации (УНХЦР).
