10.1 C
Struga
Thursday, October 6, 2022
spot_img

Дваесет и девет години од приемот во ОН

Денеска се навршуваат 29 години од приемот на С Македонија во Обединетите нации (ОН). На 8 април во 1993 година, земјава со акламација во Генералното собрание на ОН, стана 181 полноправна членка на Светската организација.

Сепак, поради противењето и притисоците на Грција, која не го прифати тогашното уставно име Република Македонија, зачленувањето во ОН беше направено под привремената референца Поранешна Југословенска Република Македонија (ПЈРМ).

Со примот во ОН се потврди меѓународно правниот субјективитет на земјава 19 месеци по референдумот на 8 септември во 1991 година на кој македонските граѓани се изјаснија за независна, самостојна и суверена држава. Формално волјата на народот за самостојна држава беше потврдена со Декларација за прифаќање на референдумските резултати на 17 септември во 1991 во Собранито.

Следен важен чекор во зацврстувањето на државата беше усвојувањето на новиот Устав на 17 ноември во 1991 година, кој десет години подоцна беше надополнет заклучоците од Рамковниот договор кој произлезе по конфликтот во 2001 година.

По долгогодишниот спор за името, со посредство на ОН беше постигнат Преспанскиот договор што резултираше со промена на уставното име во Република Северна Македонија. Со тоа се отвори патот на земјата кон НАТО и ЕУ.

Related Articles

Na Ndiqni

0FansLike
0FollowersFollow
- Advertisement -spot_img

Latest Articles