Në 24 orët e fundit është raportuar rënie e numrit të viktimave nga koronavirusi. Ministria e Shëndetësisë ka informuar se janë kryer 3 393 testime, nga të cilat 770 qytetarë kanë rezultuar të pozitivë.
Në krahasim me ditën e shkuar, ka rënë numri i të vdekurve, ku në 24 orët e fundit, e kanë humbur jetën nga Covid-19, 4 pacientë.
Raportohet se kanë fituar betejën me virusin vdekjeprurës 621 persona.
Ndërsa janë 8,157 pacientë aktivë me Covid-19 në të gjithë vendin.
Aktualisht në spitalet COVID po marrin trajtim 182 pacientë, nga të cilët 19 janë në gjendje më të rënduar. Me gjithë përpjekjet e mjekëve, në 24 orët e fundit ka 4 humbje jete me Sars-Cov2 pozitiv: Një qytetare 64 vjeç nga Libofsha, një qytetare nga Berati 65 vjeç, një qytetar nga Kuçova 72 vjeç, një qytetare nga Tirana 81 vjeç. Ministria e Shëndetësisë dhe Mbrojtjes Sociale u shpreh ngushëllimet familjarëve.
Janë shëruar 621 qytetarë gjatë 24 orëve të fundit, duke e çuar numrin e të shëruarve në 178,998 që nga fillimi i epidemisë.
