8 C
Struga
Thursday, March 14, 2024
spot_img

Shaqiri u drejtua në Konferencën e dytë evropiane për dialog dhe bashkëpunim fetar në Strugë

Padyshim që feja luan një rol shumë të rëndësishëm në një shoqëri të globalizuar, megjithëse kur flasim për globalizimin në përgjithësi, së pari mendojmë për kontekstin e tij ekonomik dhe politik, si lëvizje e kapitalizmit që po përhapet në mbarë botën. Por jashtë këtij konteksti, globalizimi lejon që fetë dhe kulturat e ndryshme të lidhen me njëra-tjetrën dhe të këmbejnë vlerat, zakonet, traditat e tyre, e kështu me radhë. Nga ana tjetër, ne jemi plotësisht të vetëdijshëm dhe dëshmitarë se feja ndikon fuqishëm në marrëdhëniet ndërkombëtare, në shoqëritë tona dhe në jetën tonë.

Kështu deklaroi ministri i arsimit dhe shkencës Jeton Shaqiri në hapjen e Konferencës së dytë evropiane për dialog dhe bashkëpunim fetar me temë “Marrëdhënia ndërmjet religjionit dhe globalizimit: partikularizmi fetar përballë universalizmit fetar”, që po mbahet nga sot në Strugë, organizuar nga Qendra për studime dhe kërkime ndërkulturore.

Shaqiri u shpreh i kënaqur që konferenca organizohet në vendlindjen e tij, e cila siç tha ai është shembull i mrekullueshëm i multikulturalizmit, në të cilin pjesëtarë të feve të ndryshme jetojnë së bashku, duke ndarë vlerat, ngjashmëritë dhe dallimet e tyre.

“Besoj se pjesëmarrësit në këtë konferencë do të mund dhe do të kenë kohë të shohin diversitetin e këtij qyteti në ditët në vijim dhe do të mbeten të kënaqur me harmoninë në të cilën jetojnë qytetarët që u përkasin komuniteteve të ndryshme etnike dhe fetare në Strugë”, tha Shaqiri, duke shtuar se fjalimi i tij do të jetë i shkurtër, sepse siç tha ai, kjo hapësirë është më shumë për ekspertë dhe studiues të cilët duhet të shtjellojnë temën e konferencës dhe të ndërtojnë konkluzione që do të integrohen në politikat e vendeve nga vijnë pjesëmarrësit.

Në konferencën treditore marrin pjesë përfaqësues të institucioneve të disa vendeve evropiane, ekspertë, studiues, përfaqësues të akademisë dhe komuniteteve fetare.

Related Articles

Na Ndiqni

0FansLike
0FollowersFollow
- Advertisement -spot_img

Latest Articles