Ministri i Arsimit dhe Shkencës, Jeton Shaqiri, gjatë vizitës së sotme në disa shkolla në Strugë, përsëriti se mbetet i mendimit që mësimi me prezencë fizike të jetë i disponueshëm gjatë gjithë vitit shkollor për shkak të përfitimeve të tij.
Krahas supozimeve në opinion se gjatë muajve të dimrit mësimi do të zhvillohet online ose do të ketë pushim të zgjatur dimëror për të kursyer energjinë elektrike, ministri përkatës theksoi se në takimet me institucionet përkatëse do të tregojë se arsimi me prezencë fizike duhet të jenë prioritet.
“Unë jam i mendimit që duhet të ketë edukim të plotë fizik. Në takimet me institucionet do të flasim që arsimi të jetë prioritet si dhe shëndetësia dhe sektorët tjerë, tha Shaqiri”, duke iu përgjigjur pyetjes së gazetarit për masat për kursimin e energjisë elektrike në shkolla.
Për javën e ardhshme ai paralajmëroi një takim me ministrat e ekonomisë, financave dhe dikasteret e tjera të përfshira në fushën e energjisë, ku duhet të diskutohet pikërisht për këtë problem.
“Ne do ta diskutojmë këtë problem që ta menaxhojmë në mënyrën më të mirë. Ministria e Arsimit dhe Shkencës ka nxjerrë të gjitha të dhënat për të gjitha shkollat fillore dhe të mesme se sa e përdorin energjinë elektrike dhe në komunikim me drejtorët do të kërkojmë një mënyrë më të mirë për menaxhimin e energjisë elektrike”, tha Shaqiri.
Kujtojmë se viti i ri shkollor ka filluar dje në të gjitha shkollat fillore dhe të mesme të vendit.
