Prokuroria për Ndjekjen e Krimit të Organizuar dhe Korrupsionit hodhi poshtë nismën me të cilën Antikorrupsioni, kërkon që kryetari i Komunës së Strugës, Ramiz Merko, të përgjigjet penalisht për keqpërdorim financiar.
Në përgjigjen nga Prokuroria, thuhet se pas analizës së provave të grumbulluara, përfshirë Raportin Përfundimtar të revizorit të autorizuar shtetëror për llogarinë e buxhetit bazë të Komunës së Strugës, për vitin 2018 dhe Njoftimin e MPB-së në lidhje me pretendimet e Antikorrupsionit, prokurori publik ka gjykuar se kryetari i komunës së Strugës me veprimet e bëra nuk ka kryer vepra penale për të cilat akuzohet, dhe nuk ka vend për ndërhyrjen e prokurorisë në lidhje me nismën e paraqitur.
