Kryeministri i Republikës së Maqedonisë së Veriut, Dimitar Kovaçevski, ka takuar presidentin e sapozgjedhur të Republikës së Malit të Zi, Jakov Milatoviq.
Kovaçevski i uroi Milatoviqit mandatin presidencial si dhe përfundimin me sukses të fundit të zgjedhjeve parlamentare në Mal të Zi, duke shprehur besimin se marrëdhëniet e shkëlqyera ndërmjet Maqedonisë së Veriut dhe Malit të Zi dhe me qeverinë e ardhshme malazeze do të vazhdojnë, si në planin bilateral ashtu edhe në atë rajonal dhe rrugën evropiane.
Bashkë u tha se dy vendet kanë bashkëpunim të ngushtë miqësor, pa çështje të hapura dhe janë shembull i marrëdhënieve të mira fqinjësore në rajon.
Në këtë drejtim, Kovaçevski dhe Milatoviq theksuan vendosmërinë e përbashkët për të kontribuar në stabilitetin rajonal dhe evropian dhe në zhvillimin e Ballkanit Perëndimor si pjesë e Bashkimit Evropian.
Kryeministri Kovaçevski e vlerësoi bashkëpunimin me Malin e Zi si të rëndësishëm, në kuadër të partneritetit në NATO dhe si vend që tashmë i ka hapur të gjitha kapitujt në procesin e negociatave me BE-në.
