Ministri i Ekonomisë, Kreshnik Bekteshi lidhur me masën e paralajmëruar për ngrirjen e çmimit të bukës, e cila sipas paralajmërimeve duhet të miratohet sot, tha se “vendimet me gjasë do të jenë në drejtim të mbrojtjes së qytetarëve”, përcjell Telegrafi Maqedoni.
“Do të kemi një konferencë shtesë për media me kryeministrin Kovaçevski. E di që tema janë vendimet e fundit. Vendimet me shumë gjasa do të jenë në drejtim të mbrojtjes së qytetarëve”, theksoi Bekteshi.
Dje mullixhinjtë kërcënuan se nëse Qeveria merr vendim për ngrirjen e çmimit të bukës, siç paralajmëroi ministri Bekteshi të shtunën, do të ndalojnë prodhimin.
