15.9 C
Struga
Saturday, October 1, 2022
spot_img

BE miraton paketën makro-financiare, 5 miliardë dollarë shtesë për Ukrainën

Këshilli i BE-së të martën aprovoi 5 miliardë euro shtesë (gati 5 miliardë dollarë) ndihmë makro-financiare për Ukrainën duke miratuar zyrtarisht masën e rënë dakord nga ministrat e financave të bllokut në fillim të këtij muaji, sipas faqes një njoftimi të lëshuar sot.

Kjo shënon fazën e dytë të mobilizimit të BE-së deri në 9 miliardë euro për të mbështetur stabilizimin makro-financiar të Ukrainës, “për të forcuar elasticitetin e menjëhershëm të vendit dhe për të ndihmuar me kapacitete drejt rimëkëmbjes”, thuhet në deklaratë.

Ky fond pason paketën prej 1 miliard euro të miratuar nga Këshilli i BE-së në korrik.

Ndërsa paketa totale e ndihmës makro-financiare përbëhet nga kredi dhe grante, 5 miliardë eurot e fundit janë thjesht kredi, që do të shlyhen nga Ukraina brenda 25 viteve me garanci, tha një zëdhënës i BE-së për CNN.

“Kredia e re prej 5 miliardë euro do të përdoret për funksionimin e përditshëm të shtetit dhe për të siguruar funksionimin e infrastrukturës kritike të vendit, si zyrat, shkollat ​​dhe spitalet”, sipas Zbyněk Stanjura, ministri i financave e Republikës Çeke, e cila aktualisht mban presidencën e Këshillit të BE-së.

Kujtojmë se ministrat e financave të BE-së kishin rënë dakord për një deklaratë në shtator  në mbështetje të 5 miliardë eurove shtesë në ndihmë për Ukrainën. Sot është miratuar zyrtarisht kjo ndihmë shtesë, thuhet në njoftimin për shtyp.

Related Articles

Na Ndiqni

0FansLike
0FollowersFollow
- Advertisement -spot_img

Latest Articles