Për shkak të reshjeve të dendura të borës, mëngjesin e sotëm është vendosur ndalesë për qarkullimin e automjeteve të rënda në rrugën Kërçovë – Ohër nëpër qafën malore të Strazhës, përcjell TV21. Siç konfirmojnë nga Lidhja Auto Moto e Maqedonisë, që nga ora 03:45 edhe në rrugën Mavrovë – Dibër është vendosur ndalesë për qarkullimin e automjeteve të rënda.
Qëndron ende ndalesa për çdo lloj komunikacioni në rrugën nga fshati Balvan – deri në fshatin Tarincë në afërsi të urës në lumin Bregalnicë.
Komunikacioni në rrugën R1402 Strumicë – Mokrino – Smolari në afërsi të Burimeve të Mokrinës është në ndërprerje për shkak të vërshimeve. Ekipet e N.P. Rrugët e Maqedonisë po punojnë në pastrimin e rrugës dhe normalizimin e qarkullimit.
