Портпаролката на руската дипломатија, Марија Захарова, штотуку им се закани на Финска и Шведска.
Во соопштението, објавено од руското Министерство за надворешни работи на Твитер, таа објави дека приемот на Финска и Шведска во НАТО ќе има многу сериозни воени и политички последици.
„Сметаме дека посветеноста на финската влада на воената политика на неврзаните е важен фактор за обезбедување безбедност и стабилност во северна Европа. Пристапувањето на Финска и Шведска во НАТО би имало сериозни воени и политички последици“, објави Захарова..
Руската закана доаѓа откако шефот на НАТО Јенс Столтенберг денеска објави дека ги поканил Финска и Шведска, кои не се членки на воената алијанса, на вонреден виртуелен самит на кој ќе се разговара за руската инвазија на Украина.
