Полскиот претседател Анджеј Дуда денеска ја нарече војната во Украина „тероризам“, додавајќи дека оние кои извршиле злосторства мора да бидат изведени пред лицето на правдата заедно со оние кои издале наредби.
„Ова не е војна, ова е тероризам“, рече Дуда на средбата со украинскиот претседател Володимир Зеленски и лидерите на трите балтички држави.
Дуда го посети и украинскиот град Буча, каде по повлекувањето на Русија беа пронајдени телата на стотици убиени цивили. Русија тврди дека нејзината армија не напаѓа цивили и ги отфрла обвинувањата за воени злосторства како лажни вести.
