Претседателот Пендаровски денеска на Цетиње со највисоки државни и воени почести беше пречекан од претседателот на Црна Гора, Мило Ѓукановиќ.
На средбата беа разменети мислења за севкупните билатерални односи меѓу Македонија и Црна Гора, при што беше оценето дека се традиционално партнерски и пријателски, без отворени прашања.
На средбата беше истакнато дека двете држави, како сојузници во НАТО споделуваат исти вредности, и даваат придонес во унапредувањето на регионалната соработка. Исто така, двете држави споделуваат идентична надворешно-политичка цел – членство во Европската Унија.
Претседателот Пендаровски и премиерот Кривокапиќ разменија мислења за случувањата и состојбите во поширокиот регион, во контекст на руската агресија врз Украина, се наведува во соопштението на кабинетот на Пендаровски.
