Шефот на македонската дипломатија, Бујар Османи, рече дека се предвидува интензивирање на комуникациите помеѓу високи владини претставници ма Македонија и Бугарија, но како што кажа, најпрвин треба да се заврши постапката за гласање на владата во Собранието. Османи додаде дека во меѓувреме ќе се одвиваат подготвителни активности за една таква средба. Запрашан за очекувањата од разговорите со нивите власти во Софија, Османи вели:
„Очекуваме конструктивни разговори со новата влада во Република Бугарија, враќање на довербата, разговор по однос на суштинските прашања коишто ги имаме на маса и брзо деблокирање на процесот“, рече Османи.
