Министерот Османи, во моментов кога во Бугарија нема функционална Влада, сепак се надева на политичка волја за деблокада и старт на преговорите по самитот во јуни. Тоа, според него, го очекува и целиот регион. Според Османи , не е само во прашање Македонија, туку и европската перспектива на Западен Балкан, но и политиките на ЕУ.
-Јас се надевам дека бугарските политичари ќе се издигнат на нивото на задачата којашто ја имаат и нема да дозволат во Софија да се изгради споменик на гробот на најуспешната политика на ЕУ во последните 75 години, а тоа е политиката на проширување, изјави министерот за надворешни работи Бујар Османи.
И шефот на хрватската дипломатија Радман, пред јунскиот самит, не исклучува дека постои барем техничка можност за старт на Првата меѓувладина конференција.
-Мислам дека технички се е можно, тоа е за недела дена. Јас и во изјавата најавив дека очекуваме и се надеваме на свикување на првата меѓувладина конференција. Мислам дека тука е многу важно и француското претседателство, но и влијанието на водечките земји во ЕУ кои исто така се за безбедноста и афирмацијата на европските вредности.
Според Радман интеграцијата на регионот е важна и за Хрватска но и за ЕУ бидејки тоа е гаранција за безбедноста на целиот континент, во актуелниот момент кога војната во Украина може да предизвика домино ефект.
